Nobilis Johans de waldenberg

Wir frieder, balth[asar] vnd wilh[elm] bekennen etc als von dem Edeln Herrn Johans dem Eldern vnd Johans dem
Jungern Herrn tzu Waldenburg Vnsn Liebn getruwn willkur gegebn gegebn10) hattin die nachgeschrieben gut Ruwinsteyn
Windestorff Lengenfelt Rotenbach di Barnstube den Swartzwaldt die Gottlabe mit aller tzugehorunge die
tzupe halb Bertoldsdorph den Achtinhain Hermanstorff mit dem Forste vnd mit allen tzugehorungen die
czu den marken gehoren mit czwen iren mannen czubehalden      Vnde vns tzu Vnderwisene daz sie die Lehin
der gute vs vns entpfangen Hetten Bekenne wir offelichenmit diesem briue / daz die Vorgenannten / er Hans
der Eldere vnd er Hans der Jungere von Waldenburg Herrn daselbens mit tzwen iren manen Peter von furtheym
vnd Hans Kachen vor vnsern Liebn Bruder Wilh[el]m vnd vor synem Rate czu Rochlitz gewest synt / vnde
haben da di o[ben] ge[schriebenen] gut alle vnd ein jeglichs befunden mit alle ....... tzugehorung als obn geschrieben sted recht vnde
redlich behalten also / daz sie die selbn gut mit bezzerin rechte ...... sint den vnser / vnd habn vns auch di
selbins bedacht daz sie die obigen gut von vns enpfangin vnd herbracht habn czulehen mit alln eren
vnd ...rben als sie die bizherhan besezzin / daruber so gunen wir dem vorge[nannten] Herrn Hans dem Eldern
vnd Herrn Hans dem Jungern Herrn tzu Waldenburg Vnsn Liebn getruwn vnd nen erbn von sunderlichen
gnaten  die obengesch[riebenen] gut von vns vnd vnsn erbn gernwiglich czubehalden vnd czubesitzen tzu rechtem
Lehn amt trifft dies brievs gnediglichen    dat[um] Anno domini f[er]ia s[ekun]da post diem epiphanie.


10)	Tatsächlich 2x geschrieben